រិន សារ័ត្នដែលចាញ់រហូតនោះលើកនេះ ស្វែងរកជ័យជំនះបានឬទេ ?

ភ្នំពេញ:លើសង្វៀនអ្នកប្រយុទ្ធកំពូលថាមពល Champion របស់អាស៊ីអាគ្នេយ៍យប់ថ្ងៃទី៣០មិថុនាអ្នកប្រ
ដាល់កម្ពុជារិន សារ័ត្នក្លិប Top Team Cambodia ត្រូវបានផ្គូរផ្គងឲ្យប្រកួតជាមួយអ្នកប្រដាល់ថៃស៊ីង ថង(Sing
Thong)ដោយប្រកួតក្នុងប្រភេទទម្ងន់៦៣,៥០គីឡូក្រាម ។
មួយរយៈនេះរាល់ការប្រកួតជាមួយអ្នកប្រដាល់បរទេសអ្នកប្រដាល់កម្ពុជារិន សារ័ត្នមិនសូវជួបសំណាងល្អ
នោះឡើយ ។ដោយសារតែជួបបរាជ័យញឹកញាប់ពេកនោះ ធ្វើឲ្យមន្ត្រីផ្គូរផ្គងរារែកចិត្តក្នុងការផ្ដល់ឱកាសឲ្យអ្នកប្រ
ដាល់រូបនេះបានជួបជាមួយអ្នកបរទេសខ្លាំងណាស់ ។
តែពេលនេះសារ័ត្នមានឱកាសជួបជាមួយស៊ីង ថងដែលវាជាឱកាសមាសដើម្បីគេកសាកេរ្តិ៍ឡើងវិញនឹងអាល
គេមានទីផ្សារប្រកួតដូចអ្នកប្រដាល់ដទៃទៀត ។ សារ័ត្នមានប្រវត្តិប្រកួតចំនួន៥៥ដង ឈ្នះ៤១ដង ចាញ់១១ដង និង
ស្មើពិន្ទុ៣ដង ។
ចំពោះស៊ីង ថងវិញគេធ្លាប់មកប្រកួតនៅស្រុកខ្មែរដែរ ដោយមានឈ្នះមានចាញ់ជាធម្មតា ។ អ្នកប្រដាល់ថៃ
រូបនេះមានប្រវត្តិប្រកួតចំនួន៦៥ដង ឈ្នះ៥៣ដង ចាញ់១២ដង ។ ជំនួបមួយនេះរិននសារ័ត្នអាចស្ថាបនាកេរ្តិ៍ឈ្មោះ
របស់ខ្លួនបានឬទេ ?
លន បញ្ញាក្លិបកងពលធំអន្តរាគមន៍លេខ២ ត្រូវបានផ្គូរផ្គងឲ្យប្រកួតជាមួយអ្នកប្រដាល់ថៃផាន ផាយ៉ាក់
(Phan Phayak)ដោយប្រកួតគ្នាក្នុងប្រភេទទម្ងន់៦០គីឡូក្រាម ។
បញ្ញាជាអ្នកប្រដាល់ជើងខ្លាំងមួយរូបដែលគេទើប តែដណ្ដើមបានខ្សែក្រវាត់មួយមកគ្រប់គ្រង ។ ទោះបីពេល
ខ្លះការប្រកួតគេវ៉ៃមិនសូវលះក៏ពិតមែនតែគេមានប្លង់វ៉ៃល្អ ។ គេមានប្រវត្តិប្រកួតចំនួន៤៧ដង ឈ្នះ៤១ដងចាញ់៤
ដង និងស្មើពិន្ទុ២ដង ។
ផាន ផាយ៉ាក់វិញគេមានប្រវត្តិប្រកួតចំនួន៧៥ដង ឈ្នះ៦៣ដងនិងចាញ់១២ដង ។គេជាអ្នកប្រដាល់ដែលមាន
កណ្ដាប់ដៃ និង ជើងធ្ងន់ ។ជំនួបរវាងអ្នកប្រដាល់ទាំង២រូបនេះនរណាជួបសំណាងល្អ ?