ចាស់ហើយមិនព្រមចូលវត្តទេ លួចម៉ូតូបានសំរេច២លេីកចាយលុយអស់ មកលេីកទី៣ សមត្ថកិច្ចវាយខ្នោះដៃ

ភ្នំពេញ៖ បុរសជនសង្ស័យម្នាក់ជំនាញខាងលួចកាច់កម៉ូតូលួចបាន២ដងយកទៅលក់បានជិត១ពាន់ដុល្លាចាយអស់មកលួចកាច់កម៉ូតូលេីកទី៣ត្រូវសមត្ថកិច្ចរាយសំណាញ់ព័ន្ធចាប់និងស្វាគមន៍ខ្នោះដៃចំនួន១គូយកមកសាកសួរនាំ។.

ហេតុការនេះកេីតឡេីង កាលវេលាម៉ោង០៨និង០០នាទីយប់ថ្ងៃទី២៩ ខែ មិថុនា ឆ្នាំ ២០១៩នៅចំណុចកោះពេជ្រ ក្រុម៧៨ ស្ថិតនៅភូមិ១៤ សង្កាត់ទន្លេបាសាក់ ខណ្ឌចំការមន ។

ជនរងគ្រោះមានឈ្មោះ អេង ចាន់ធួក ភេទប្រុស អាយុ២១ឆ្នាំ មុខរបរ បុគ្គលិកក្រុមហ៊ុន ស្នាក់នៅផ្ទះលេខ៤៥៥ ផ្លូវបេតុង ស្ថិតនៅត្នោតជ្រំ សង្កាត់បឹងទំពុន២ ខណ្ឌមានជ័យបានរៀបរាប់ប្រាប់សមត្ថកិច្ចបានអោយដឹងថាមុនកេីតហេតុខ្លួនពីមិត្តស្រីជិះម៉ូតូឌ្រីមសង់សេ១២៥ពណ៍ខ្មៅពាក់ស្លាកលេខភ្នំពេញ១BT-៦៣៦២ឌុបគ្នាមកដេីរលេងក្នុងកោះពេជ្រពេលមកដល់បានឈប់ម៉ូតូនិងចាក់សោកត្រឹមត្រូវរួចដេីរទៅអង្គុយនៅបង់ក្រោយមកក៏បានលឺសូរផ្អេីលឆាឡោថានគរបាលចាប់ចោរលួចកាច់កម៉ូតូរួចក៏ដេីរទៅមេីលទេីបដឹងចោរលួចគឺម៉ូតូខ្លួនតែមិនបានសំរេចសំណាងល្អសមត្ថកិច្ចប្រទះឃេីញទាន់ហេីយក៏អរគុណដល់នគរបាលរដ្ឋបាលទន្លេបាសាក់ដែលបានចាប់កុំអីច្បាស់ជាបានត្រឹមតែទៅដាក់បណ្ដឹងនិងសួរនាំប៉ុណ្ណោះ ។

លោក សុខ សំអ៊ុត នាយប៉ុស្តិ៍នគរបាលរដ្ឋបាលទន្លេបាសាក់ បានបានប្រាប់អោយដឹងថាឃាត់ជនសង្ស័យឈ្មោះ ទេព ប៊ុណ្ណា ភេទប្រុស អាយុ៦១ ឆ្នាំ មុខរបរមិនពុតប្រាកដ ស្នាក់នៅមិនពិតប្រាកដ មានស្រុកកំណេីតនៅភូមិកណ្ដឹងរាយ ឃុំ កណ្ដឹងរាយ ស្រុកស្វាយទៀប ខេត្តស្វាយរៀង។(ឃាត់ពីបទលួចមានស្ថានទម្ងន់ទោសកាច់កម៉ូតូ)រួមនិងឧបករណ៍ដែកចុងស្រួចនិងសោទីបលេខ០៨ជាមុខសញ្ញាចាស់ជំនាញខាងកាច់កម៉ូតូដែលកន្លែងមកជនរងគ្រោះ២រូបហេីយដែលបានមកដាក់ពាក្យបណ្ដឹងនៅថ្ងៃ១៣និងថ្ងៃ២៦ក្នុងខែមិថុនា ឆ្នាំ២០១៩រួចក៏បានសហការជាមួយកម្លាំងសន្តិសុខក្នុងកោះពេជ្រយោងតាមភិនភាគជនសង្ស័យក្នុងកាំរ៉ាសុវត្ថិភាពលុះដល់យប់ថ្ងៃទី២៩ខាងលេីសន្តិសុខក៏ប្រទះឃេីញបុរសជនសង្ស័យក៏រាយការណ៍មកសមត្ថកិច្ចក្រោយមកក៏បានប្រញ្ញាប់ចុះទៅទីតាំងខាងលេីពេលទៅដល់ឃេីញបុរសមានភិនភាគដូចកាំរ៉ាសុវត្ថិភាពតែសមត្ថកិច្ចយេីងមិនទាន់រងចាំតាមមេីលហេីយក៏បុរសបានប្រេីដែកចុងស្រួចឧបករណ៍សំរាប់កាច់កម៉ូតូបំណងលួចម៉ូតូ១គ្រឿងទៀតពេលជនសង្ស័យរៀបនិងជិះចេញរួចសមត្ថកិច្ចចាប់វាយខ្នោះតែម្ដងនាំមកស្នាក់ការប៉ុស្តិ៍ ។

សមត្ថកិច្ចបន្តថាក្រោយពីឃាត់ខ្លួនជនសង្ស័យទទួលស្គាល់ថាពីមុនមកធ្លាប់ចូលទៅក្នុងកោះពេជ្រលួចម៉ូតូបាន២គ្រឿងពិតមែនដោយយកទៅលក់បានសរុបជិត១ពាន់ដុល្លាយកទៅសុីចាយវាយអ្នកទៅរួចពេលអស់លុយចាយក៏ជិះម៉ូតូឌុបគោលបំណងមកលួចកាច់កម៉ូតូទៀតតែចំថ្ងៃសយសមត្ថកិច្ចរាយអន្ទាក់ជាប់ខ្នោះបច្ចុប្បន្នជនសង្ស័យឃាត់ខ្លួននៅអធិការដ្ឋាននគរបាលខណ្ឌចំការមនហេីយចំណែកម៉ូតូអ្នករងគ្រោះទី៣បានប្រគល់អោយប្រេីប្រាស់វិញជាបណ្ដោះអាសន្នសិន ៕