ការអភិវឌ្ឍន៍បច្ចេកវិទ្យា ក្នុងសកម្មភាពកម្ចាតត់មីន និងសំណល់ជាតិផ្ទុះពីសង្គ្រាម នៅកម្ពុជា
ភ្នំពេញ៖ ដេីម្បីសម្រេចផែនការជាយុទ្ធសាស្ត្ររបស់ខ្លួនក្នុងសកម្មភាពបោសសំអាតគ្រាប់មីននិងសំណល់ជាតិពីសង្គ្រាមនៅកម្ពុជា អង្គភាពសុីម៉ាក់ផ្តោតការយកចិត្តទុកដាក់លេីគោលដៅសំខាន់បំផុតចំនួន៣។ នេះបើតាមការបញ្ជាក់របស់លោកហេង រតនា អគ្គនាយកស៊ីម៉ាក់ តាមរយៈហ្វេសប៊ុក នៅថ្ងៃទី១កក្កដានេះ។
អង្គភាពសុីម៉ាក់ផ្តោតការយកចិត្តទុកដាក់លេីគោលដៅសំខាន់បំផុតចំនួន៣ ៖
គឺ ១. ការពង្រឹងធនធានមនុស្ស ២. ការពង្រឹងនីតិវិធីប្រតិបតិ្តការ និង៣. ការពង្រឹងបច្ចេកវិទ្យា (technologies)! គោលដៅទាំង៣វាមានចំណងភ្ជាប់ជាមួយគ្នា។ លោកបន្តថា ខ្ញុំសូមលេីកយកគោលដៅទី៣នៃការអភិវឌ្ឍន៍បច្ចេកវិទ្យាមកជំរាបជូន៖ ដេីម្បីសម្រេចថាបច្ចេកវិទ្យាថ្មីមួយអាចបម្រើប្រតិបតិ្តការក្នុងសកម្មភាពបោសសំអាតមីនបាន ត្រូវឈរលេីមូលដ្ឋានសំខាន់ៗមួយចំនួនដូចខាងក្រោម៖
១. តត្រូវបង្កេីតបទដ្ឋានតម្រូវការប្រតិបតិ្តការ (standard operational requirements, SOR) ក្រុមវិស្វករ អ្នកវិទ្យាសាស្ត្រ ត្រូវវាយតម្លៃយ៉ាងលំអិតនិងម៉ត់ចត់បំផុតនូវកង្វល់និងតំរូវការរបស់អ្នកជំនាញសកម្មភាពមីន។ នេះជាឯកសារគោលក្នុងការបង្កេីតគំនិតផ្តួចផ្តេីមនៃការដំណេីការអភិវឌ្ឍន៍ឬបង្កេីតបច្ចេកវិទ្យាថ្មី។
២. ការធ្វេីតេស្តវាយតំលៃ សមត្ថភាព ប្រសិទ្ធភាព ភាពធន់ និងសុវតិ្ថភាព (performance, survivability, and safety tests)៖ បន្ទាប់ពីមានការឯកភាពលេីSOR ហេីយអ្នកវិទ្យាសាស្ត្រ ដំណេីរការផលិតឧបករណ៍ជាគំរូ ដេីម្បីយកមកធ្វេីតេស្តដូចរៀបរាប់ខាងលេី ដោយត្រូវកែលំអរតាមការចាំបាច់ និងតេស្តបន្ត។ សូមបញ្ជាក់ថា ករណីតេស្តនេះមានច្រេីនស្ថានភាពដូចជាតំបន់ព្រៃ តំបន់ទឹកនិងដីជ្រាយ តំបន់ដីទួលភ្នំ គ្រាប់មីន/គ្រាប់ ធំតូចជំរៅរាក់ជំរៅជ្រៅ ដង់សុីតេតិច ច្រេីន ជាដេីម។ ល។ ….។ ល។ ព្រមទាំងត្រូវឆ្លងកាត់តេស្តដីយ៉ាងច្រេីនប្រភេទនៅកម្ពុជាដោយរួមទាំងដីមានល្បាយថ្ម និងសារធាតុរ៉ែផងដែរ។ សូមបញ្ជាក់ថា អង្គភាពសុីម៉ាក់មានកន្លែងធ្វេីតេស្តនេះនៅវិទ្យាស្ថានបច្ចេកទេសសកម្មភាពកំចាត់មីននៅខេត្តកំពង់ឆ្នាំង និងនៅសារមន្ទីរសន្តិភាពសកម្មភាពមីននៅខេត្តសៀមរាប ដែលជាលានតេស្តបានរៀបចំនិងមានការគាំទ្រដោយសហរដ្ឋអាមេរិកនិងជប៉ុន អស់ថវិការាប់លានដុល្លារ។
៣. បង្កេីតបទដ្ឋានប្រតិបតិ្តការ (standards operational procedures, SOP)៖ ករណីឧបករណ៍ទាំងឡាយណា បានឆ្លងកាត់ការធ្វេីតេស្តជាប់ និងយល់ថាអាចឈានទៅប្រេីប្រាស់បំរេីប្រតិបតិ្តការបានលុះត្រាតែមានបទដ្ឋានប្រតិបតិ្តការប្រេីប្រាស់ជាមុនសិន។ ដូចនេះដេីម្បីបង្កេីតSOP គេត្រូវយកឧបករណ៍នោះ មកធ្វេីសាកល្បងប្រេីប្រាស់ក្នុងចំការមីន/គ្រាប់សិប្បនិមិត្តនិងចំការមីន/គ្រាប់ពិត ជាមុនសិន ដែលហៅថាintegration trials។
លោកបានបន្ថែមទៀតថា អ្វីដែលលេីឡេីងយ៉ាងសង្ខេបខាងលេី គឺមានអ្នកប្រាជ្ញ អ្នកវិទ្យាសាស្ត្រ សាស្ត្រាចារ្យ និងវិស្វករ មកពីសាកលវិទ្យាល័យ ក្រុមហ៊ុន និងស្ថានបន័រដ្ឋមកគ្រប់ទិសទីក្នុងពិភពលោក រាប់នៅកម្ពុជា និងមកពីសហរដ្ឋអាមេរិក កាណាដា អាលឺម៉ង់ អុីតាលី អូស្ត្រាលី អង្គការNASA EU និងជប៉ុន បានសហការជាមួយអង្គភាពសុីម៉ាក់ជាហូរហែរផលិតបានឧបករណ័បោសសំអាតមីនប្រកបដោយជោគជ័យ និងបានលក់លេីទីផ្សារពិភពលោក។ ដូចជាគ្រឿងចក្រកំទេចមីនដែលផលិតតាមបច្ចេកទេសរបស់កម្ពុជាហេីយកំពុងប្រេីប្រាស់នៅឡាវ វៀតណាម អាហ្គានីស្ថាន កូឡំប៊ី បណ្តាប្រទេសនៅអាហ្វិកជាដេីម។
លោកហេង រតនា បានមានប្រសាសន៍ថា គិតមកដល់បច្ចុប្បន្នជាង២៥ឆ្នាំនៃការស្រាវជ្រាវនិងអភិវឌ្ឍន៍របស់អង្គភាពសុីម៉ាក់ជាមួយដៃគូជាអ្នកវិទ្យាសាស្ត្រ តារាវិទូ វិស្វករអ្នកជំនាញមនុស្សយន្តជប៉ុន អាលឺ្លម៉ង់ និងអាមេរិក គឺគ្មានឧបករណ៍អ្វីមកជំនួសអ្នកជំនាញដោះមីនបានឡេីយ។ រាប់ទាំងគ្រឿងចក្រធុនធ្ងន់ ធុនស្រាល ឧបករណ៍រាវមីន សត្វហិតក្លិន មនុស្សយន្ត គ្រឿងយន្តស្កែនរូបភាពក្រោមដី ក្នុងទឹក។
អង្គភាពសុីម៉ាក់ ស្វាគមនន៍និងរីករាយសហការក្នុងតេស្តដេីម្បីវាយតម្លៃសមត្ថភាពជាក់ស្តែងនៃគ្រឿងចក្រឬគ្រឿងយន្ត មនុស្សយន្ត ឧបករណ៍រ៉ាវមីនជាដេីម ៕
