រថយន្តសាំយ៉ុង បុកអ្នកជិះម៉ូតូម្នាក់ បណ្ដាលឲ្យ ស្លាប់ ស្ទើរខ្ទេចសព

ខេត្តសៀមរាប៖ បុរសម្នាក់បើកម៉ូតូត្រូវបានរថយន្តសាំយ៉ុងបុកចំពេញទំហឹង បណ្ដាលឲ្យដាច់រយះសាច់ជាបំណែកៗ ស្លាប់ភ្លាមៗនៅកន្លែងកើតហេតុ។

មន្ត្រីមូលដ្ឋានបានឲ្យដឹងថាគ្រោះថ្នាក់ចរាចរនេះបានកើតឡើងនៅវេលាម៉ោងប្រហែល៣ទៀបភ្លឺថ្ងៃទី៦ ខែកក្កដាឆ្នាំ២០១៩នៅលើថ្នល់ជាតិលេខ៦ ស្ថិតនៅភូមិជ័យ សង្កាត់ទឹកវិល ក្រុងសៀមរាប។ ដោយរថយន្តម៉ាកសាំយ៉ុងពណ៌ខៀវនិង ម៉ូតូបើកបញ្រ្ចាសទិសគ្នា បណ្ដាលឲ្យអ្នកជិះម៉ូតូស្លាប់ភ្លាមៗ។

ជនរងគ្រោះមានឈ្មោះ ឈួន បញ្ញា ភេទ ប្រុស អាយុ ៣០ឆ្នាំ រស់នៅភូមិ អណ្ដោង ឃុំកែវពណ៌ ស្រុកពួក ខេត្តសៀមរាប ។
ចំណែកអ្នកបើបររថយន្តរត់គេចខ្លួនបាត់៕