ប្តីស្រវឹងស្រាបង្កហឹង្សា ដោយប្រើកាំបិត ចាក់ប្រពន្ឋ ត្រូវបានចាប់ខ្លួន

បុរសជាប្តីឈ្មោះផាត ភឿន អាយុ៣៧ឆ្នាំ រស់នៅភូមិគ្រង ឃុំស្នួល ស្រុកស្នួល ត្រូវបាននគរបាលចាប់ខ្លួន បន្ទាប់ពីជននេះស្រវឹងស្រា បានប្រើហឹង្សាក្នុងគ្រួសារ ដោយបានយកកូនកាំបិតចាក់មកលើប្រពន្ឋបណ្តាលអោយរងរបួស២កន្លែង។
នៅយប់ថ្ងៃកើតហេតុទី៦ កក្កដា ពេលស្រ្តីជាប្រពន្ឋឈ្មោះ សារ៉ន ស្រីមុំ អាយុ៣១ឆ្នាំ បានមកពីរកចាប់ក្តាម។ ពេលមកដល់ផ្ទះជនជាប្តីបានរករឿងវាយបំផ្លាញទ្រព្យសម្បត្តិនិងវាយទៅលើស្រ្តីជាប្រពន្ឋ ឈានដល់យកកូនកាំបិតមកចាក់ បណ្តាលអោយមានរបួសលើភ្លៅ និងជង្គង់៕