ដោយសារភាពងងឹតមើលផ្លូវមិនឃើញ បង្ក គ្រោះថ្នាក់ចរាចរម៉ូតូនិងម៉ូតូ ស្លាប់ ៣នាក់ របួសធ្ងន់ ស្រាល ៤នាក់
កំពង់ស្ពឺ ÷ គ្រាន់តែគ្រោះថ្នាក់ចរាចរម៉ូតូនិងម៉ូតូ ស្លាប់ ៣នាក់ របួសធ្ងន់ ស្រាល ៤នាក់(ក្មេងតូចម្នាក់) នៅលេីផ្លូវលំ ស្ថិតក្នុងភូមិត្រពាំងប្រិយ៍ កាលពីថៃ្ងទី៧ ខែកក្កដា ឆ្នាំ២០១៩។
ករណីគ្រោះថ្នាក់ចរាចរបណ្ដាលឲ្យស្លាប់មនុស្ស ២នាក់ នៅចំណុចភូមិត្រពាំងប្រិយ៍ ឃុំក្រាំងដឺវ៉ាយ ស្រុកភ្នំស្រួច លើផ្លូវលំ រវាងម៉ូ តូ ០២គ្រឿងបេីកបរ ក្នុងទិសដៅបញ្រ្ចាសគ្នា មកដល់ចំណុចខាងលើបានបុកគ្នាយ៉ាងពេញទំហឹង ម៉ូតូ HONDA C 125cc ពណ៌ខ្មៅ ឆ្នាំ២០១០ពាក់ស្លាកលេខកំពង់ស្ពឺ 1H-2522 អ្នកបើកបរ ឈ្មោះ នី ណាត ភេទប្រុស អាយុ ២៤ឆ្នាំ ឌុបគ្នា០២នាក់ឈ្មោះ ភឿង សុខណា អាយុ២៤ឆ្នាំរបួសធ្ងន់ និងឈ្មោះស៊ឺន ស៊ី អាយុ២១ឆ្នាំ រស់នៅភូមិក្រាំងក្រូច ឃុំក្រាំងដឺវ៉ាយ ស្រុកភ្នំស្រួច របួសធ្ងន់
បានបុកជាមួយម៉ូតូមួយគ្រឿងទៀតម៉ាក HONDA គុបជ្រុង ពណ៌ទឹកប្រាក់ បើកបរ ដោយឈ្មោះ ប្រាក់ វង់ ភេទប្រុស អាយុ ៥១ឆ្នាំ(ស្លាប់) ឌុប ប្រពន្ធ ឈ្មោះងូន គីមឡេង អាយុ៣០ឆ្នាំ និងកូនតូច ឈ្មោះវង់ ស្រីស អាយុ ៧ឆ្នាំ នៅភូមិព្រៃទទឹង ឃុំក្រាំងដឺវ៉ាយ ស្រុកភ្នំស្រួច ខេត្តកំពង់ស្ពឺ។
តាមការបញ្ជាក់ពីសមត្ថកិច្ចមូលដ្ឋានអោយដឹងថា អ្នកបេីកម៉ូតូស្លាប់ទាំងពីរនាក់នៅនឹងកន្លែង មូលហេតុដោយសារតែងងឹត មេីលមិនច្បាស់ទេីបបុកតែម្ដង ចំណែកអ្នករងរបួសត្រូវបាន សមត្ថកិច្ចបញ្ជូនទៅមន្ទីពេទ្យខេត្ត ព្យាបាលសង្រ្គោះ សពត្រូវប្រគល់ជូនក្រុមគ្រួសារយក ទៅធ្វើបុណ្យតាមប្រពៃណី ចំណែកម៉ូតូទាំង២គ្រឿង ត្រូវបានយកមករក្សាទុក នៅប៉ុស្តិ៍នគរបាលរដ្ឋបាល ក្រាំងដីវ៉ាយ កសាងសំណុំរឿង ចាត់ការតាមនិតិវិធីច្បាប់៕
