រថយន្ត២គ្រឿងបុកគ្នា រងការខូតខាតធ្ងន់ធ្ងរស្ទើរទាំងស្រុង និងមានអ្នករបួស
រលាប្អៀរ: នគរបាលស្រុករលាប្អៀរ បានឲ្យដឹងថា នាថ្ងៃទី១៥ ខែកក្កដា ឆ្នាំ២០១៩ វេលាម៉ោង ១០និង១៥នាទី លើផ្លូវជាតិលេខ៥ ចន្លោះគីឡូម៉ែត្រ លេខ ១០៩-១១០ ស្ថិតក្នុងភូមិស្រង៉ាំទេ ឃុំប្រស្នឹប កើតមាន
ករណីគ្រោះថ្នាក់ចរាចរ រវាងរថយន្ត ធុនធំប្រភេទដឹកទំនិញ និងរថយន្តម៉ាកតូយ៉ូតាព្រុស ក្នុងដំណើរបញ្រ្ចាសទិសគ្នា បណ្តាលឲ្យរងរបួសមនុស្ស២នាក់
ស្រី១នាក់ ប្រុស១នាក់ (ធ្ងន់១នាក់ស្រី)។ ចំណែករថយន្តតូយ៉ូតាព្រុស រងការខូតខាតធ្ងន់ធ្ងរស្ទើរទាំងស្រុងផ្នែកខាងមុខ។
នគរបាលមូលដ្ឋានដដែល បានបញ្ជាក់ថា ក្នុងហេតុការណ៍នេះ បណ្តាលឲ្យខូចខាតរថយន្តចំនួន២គ្រឿងយ៉ាងធ្ងន់ធ្ងរ៕
