តេក្វាន់ដូWT៣នាក់ដណ្តើមមេដាយ៤ ព្រឹត្តិការណ៍២នៅកូរ៉េខាងត្បូង

ភ្នំពេញ៖ក្រុមកីឡាករតេក្វាន់ដូWT(WorldTaekwondo)វ័យក្មេងចំនួន៣រូបដណ្តើមបានមេដាយប្រាក់គ្រឿងពីព្រឹត្តិការណ៍ WT World Taekwondo Hanmadangនិង WT JEONJU OPEN 2019 INTERNAT IO NAL TAEKWONDO CHAMPIONSHIPSនៅសាធារណរដ្ឋកូរេ។

ការប្រកួត ចាប់ផ្ដើមពីថ្ងៃទី២៦ ដល់ថ្ងៃទី៣០ ខែកក្កដា ឆ្នាំ២០១៩។ លោក ជាតិ ខេមរា ជាគ្រូបង្វឹកបានឲ្យដឹងថា សម្រាប់មេដាយប្រាក់នៃព្រឹត្តិការណ៍លើកនេះដោយពួកគេបានយកឈ្នះលើកីឡាករប្រទេសហ្វីលីពីន២០ទល់១៧ឈ្នះ កីឡាករប្រទេសម៉ាឡេស៊ី២០ទល់១៩និងលើកចុងក្រោយ ចាញ់កីឡាករប្រទេសថៃ២០ទល់២២ដណ្តើមមេដាយប្រាក់គ្រឿង៣ហើយការប្រកួតនេះមាន៨ក្រុមចូលរួមចែកចេញជា២ពូល។

លោកបានបន្តថា ចំពោះការប្រកួតកីឡាតេក្វាន់ដូWT JEONJU OPEN 2019 INTERNAT IO NAL TAEKWONDO CHAMPIONSHIPS វិញកីឡាករតេក្វាន់ដូWTវ័យក្មេងឈនគីមហាក់ដណ្តើមមេដាយមាសលើវិញ្ញាសាឯកត្តជន និងកីឡាករតេក្វាន់ដូWTវ័យក្មេង២នាក់ទៀត គឺ កីឡាករ សុខ សញ្ចានា និងកីឡាករសំណាង វ៉ាន់ណែត ឈ្នះមេដាយសំរិទ្ធ ។

លោកគង់សក្ខិដាដែលជាអគ្គលេខាធិការខេមរសហព័ន្ធបាននិយាយថា កីឡាករវ័យក្មេងចំនួន៣រូប និងគ្រូបង្វឹក១រូប ជនជាតិកូរ៉េគឺលោក Cheon samyeong បានធ្វើការហ្វឹកហាត់ និងចូលរួមព្រឹត្តិការណ៍ការប្រកួតកីឡាតេក្វាន់ដូWTខាងលើនេះ៕