ជើងខ្លាំង ផឹករួច ជក់រួច សមត្ថកិច្ចទៅដល់ បញ្ចេញអាការៈស្រវឹង ដាក់សមត្ថកិច្ច ជាប់ខ្នោះបានសម្រេច

  កណ្តាល៖ ករណីរក្សាទុក ដោយខុសច្បាប់ នូវសារធាតុញៀន សមត្ថកិច្ចនគរបាលបានចាប់ខ្លួនជនសង្ស័យម្នាក់ដែលក្រោយពីជក់ថ្នាំញៀនរួច ជនសង្សយ័រូបនេះ នៅមានការរឹងរូស ចរិកឮកពារឈ្លើយ  នៅថ្ងៃទី៣០ ខែកក្កដា ឆ្នាំ២០១៩ វេលាម៉ោង ១៤ និង ៤៥នាទី នៅចំណុច ភូមិព្រែកក្រាម១ ឃុំកោះចិន ស្រុកពញាឮ ខេត្តកណ្តាល។

ជនសង្ស័យម្នាក់ឃាត់ខ្ខ្លួន ឈ្មោះ អ៊ឹម សុខម៉េង ភេទ ប្រុស អាយុ ៣១ ឆ្នាំ ជនជាតិខ្មែរ  មុខរប រត់ម៉ូតូផាស់ស្អាប់ មានទីលំនៅ ផ្ទះលេខ១១១ ភូមិ៣ សង្កាត់ផ្សារកណ្តាល ខណ្ឌដូនពេញ ក្រុងភ្នំពេញ មានសារធាតុញៀនក្នុងទឹកនោម ។ វត្ថុតាងចាប់យក៖
 សារធាតុញៀន មេតំហ្វេតាមីន ហៅម៉ាទឹកកក ចំនួន០១កញ្ចប់តូច ទម្ងន់ ០,១២ក្រាម ទូរសព្ទ័ ០១គ្រឿង ម៉ាក OPPO ប្រាក់រៀល ១៣០០០០រៀល (ដប់បីម៉ឺនរៀល)។

នៅថ្ងៃកើតហេតុ មានប្រជាពលរដ្ឋ បានរាយការណ៍ មកប៉ុស្តិ៍រដ្ឋបាលកោះចិនថា៖ មាន មុខសញាលក់ថ្នាំញៀន នៅផ្ទះកើតហេតុ។  បន្ទាប់មកកម្លាំងប៉ុស្តិ៏រដ្ឋបាលកោះចិន បានរាយការណ៏មកអធិការដ្ឋាន និងសហការជាមួយផ្នែកជំនាញ ចុះដល់ផ្ទះកើតហេតុ ស្រាប់តែជនសង្ស័យ ចំនួន០១នាក់ បានគេចខ្លនចេញពីកន្លែង ដល់កន្លែងកើតហេតុ ទៅបាត់មុន ពេលសមត្ថកិច្ចទៅដល់និងឃើញ ជនសង្ស័យឈ្មោះខាងលើ មានសភាពស្រវឹងស្រា បានស្រែកឡូឡា ជេប្រមាថកម្លាំងសមត្ថកិច្ច បង្កការរារាំង កិច្ចប្រតិបត្តិការរបស់កងកម្លាំងមានសមត្ថកិច្ច ដោយឥរិយាបទ របស់ជនសង្ស័យបែបនេះ កម្លាំងសមត្ថកិច្ច បានឃាត់ខ្លួនមក អធិការដ្ឋាននគរបាលស្រុកពញាឮ ដើម្បីសាកសួរ និងឆែកឆេរ បានរកឃើញ មានសារធាតុញៀនចំនួន០១កញ្ចប់តូចនៅជាប់ខ្លួន និងបានចាប់យកវត្ថុតាងដូចខាងលើ។
    
នៅចំពោះមុខសមកិច្ចជនសង្ស័យ បានសារភាពថា៖ វត្ថុតាងថ្នាំញៀនចំនួន០១កញ្ចប់តូច នៅចំពោះមុខនេះ គឺយកពីឈ្មោះបញ្ញា ដែលសល់ពីការប្រើប្រាស់រួច ។
 ជនសង្សយ័រូបនេះ នៅមានការរឹងរូស ចរិកឮកពារឈ្លើយ ។
 បច្ចុប្បន្នជនសង្ស័យ បានឃាត់ខ្លួន នៅអធិការដ្ឋាននគរបាលស្រុកពញាឮ បន្តចាត់ការតាមនីតិវិធី ៕