នគរបាលសេដ្ឋកិច្ចខេត្តសៀមរាប រកឃើញឈើហុប២២ដើម ស្មើនឹង ២៤,៥៦៣ម៉ែត្រគូប ដែលជនល្មើសលាក់ទុកនៅក្នុងប្រឡាយ ស្ថិតក្នងភូមិអញ្ចាញ

សមត្ថកិច្ចនគរបាលខេត្តសៀមរាប បានឲ្យដឹងថា កាលពីថ្ងៃទី៣០ ខែកក្កដា ឆ្នាំ២០១៩នេះ កម្លាំងនគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តសៀមរាប បានរកឃើញឈើហុបធំៗ ចំនួន២២ដើម ស្មើនឹង ២៤,៥៦៣ម៉ែត្រគូប ដែលជនល្មើសបានលាក់ទុកនៅក្នុងប្រឡាយ ស្ថិតក្នងភូមិអញ្ចាញ សង្កាត់​នរគធំ ក្រុងសៀមរាប ដើម្បីបំភ័ន្តភ្នែកសមត្ថកិច្ច ហើយបានកម្លាំង​នគរបាលដេកយាមការពារអស់រ១យប់មក លុះព្រឹកឡើងថ្ងៃទី៣១ ខែកក្កដា ឆ្នាំ២០១៩នេះ បានសហការជាមួយរដ្ឋបាលព្រៃឈើ និ​ង បានប្រគល់ឈើទាំងនោះទៅឲ្យរដ្ឋបាលព្រៃឈើខេត្តសៀមរាប ដើម្បីចាត់ការបន្តតាមច្បាប់ ។

លោកវរសេនីយ៍ទោ ម៉េង សំណាង នាយរងការិយាល័យនគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តសៀមរាប បានឲ្យដឹងថា នៅក្នុងប្រតិបត្តិការនេះកម្លាំងនគរបាលសេដ្ឋកិច្ចនៃស្នងការដ្ឋានខេត្តសៀមរាប ក្នុងចំណោមឈើហុបធំៗចំនួន២២​ដើម ដែលបានរកឃើញនេះ មានប្រភេទឈើប្រណិតនិងឈើលេខ១ រួមមានសុក្រម , ផ្ចឹក , កកោះ និង ឈើក្រឡាញ់ ហើយឈើទាំងនេះមានមុខកាត់ធំៗ ចាប់ពី៤០ទៅ៦០ ប្រភេទឈើ ៕