រាជរដ្ឋាភិបាលកម្ពុជា និងរៀបចំទិវាអភិរក្សភាសាដើមភាគតិចនៅខេត្ដរតនគិរី០៩ សីហា ឆ្នាំ២០១៩
ភ្នំពេញ ៖ កម្ពុជាគ្រោងនឹងសហការរៀបចំទិវាជនជាតិដើម ភាគតិច ០៩ សីហា លើកទី១៥ ដោយគ្រោងនឹងធ្វើនៅខេត្តរតនគិរី ក្រោមប្រធានបទ ការអភិរក្សាភាសាដើមជនជាតិភាគតិច ហើយប្រធានបទ បានធ្វើឡើង ខណៈ ភាសាជនជាតិភាគ តិច បាននិងកំពុងប្រឈមការ បាត់បង់ស្ទើររៀងរាល់ថ្ងៃ។
លោក សុត សៀង ប្រធាននាយកដ្ឋានអភិវ ឌ្ឍន៍ជនជាតិដើម ភាគតិច នៃក្រសួងអភិវឌ្ឍន៍ជនបទ បាបានឱ្យដឹងនៅថ្ងៃ៣១កក្កដា ឆ្នាំ២០១៩ នេះថា៖ បច្ចុប្បន្ននៅទូទាំងប្រទេសមានជនជាតិដើមភាគតិចប្រមាណ២៤ ក្រុមជនជាតិ ដែលរស់នៅរាយប៉ាយ នៅតាមបណ្តាខេត្តចំនួន១៥ ពិ សេសបណ្តា នៅភូមិឥសាន្តប្រទេសកម្ពុជា។
លោក បន្តថា នៅក្នុងចំណោម២៤ជនជាតិដែលកំពុងមានវត្តមាននៅក្នុងទឹកដីកម្ពុជា មានជនជាតិមួយចំនួន គឺអ្នកជំនាន់ក្រោយនិយាយភាសាខ្មែរច្បាស់ ចំណែកមនុស្សចាស់គឺមានមួយចំនួននិយាយភាសាខ្មែរផង និងភាសាជនជាតិរបស់គេផង។ ជនជាតិភាគតិចខ្លះមិនហ៊ាននិយាយ ភាសាដើមរបស់ខ្លួននោះទេ ដោយសារការខ្មាស់អៀន ។ បញ្ហានេះ ធ្វើអោយភាសាដើមជនជាតិភាគតិចនៅកម្ពុជា កំពុងប្រឈមនឹងការបាត់បង់។ បើតាមឯកឧត្តម បណ្ឌិតសភាចារ្យ ច័ន្ទ សំណព្វ អនុប្រធានរាជបណ្ឌិតសភាកម្ពុជា បានថ្លែងថា តាមការស្រាវជ្រាវ នៅលើពិភពលោកបច្ចុប្បន្នមានភាសានៅសល់ប្រមាណ៥០០០ភាសា ហើយបើតាមការសិក្សាស្រាវជ្រាវរបស់អង្គការUN ESCO បានបញ្ជាក់ថា នៅលើភពផែនដីយើងនេះ នៅរៀងរាល់២សប្តាហ៍ម្តង គឺមានភាសាមួយបានស្លាប់បាត់បង់ទៅ។ នៅឆ្នាំ២០១៩ គឺជាឆ្នាំដំបូងដែលក្រសួងអភិវឌ្ឍន៍ជនបទ បាននិងកំពុងរៀបចំគោលនយោបាយថ្មីមួយ ដើម្បីជំរុញការងារអភិរក្ស និងអភិវឌ្ឍន៍ជនជាតិដើមភាគតិចនៅកម្ពុជា ហើយគោលនយោបាយថ្មីនេះ នឹងជំរុញការអភិរក្សប្រពៃណីវប្បធម៌របស់ជនជាតិភាគតិច និងនិងអភិវឌ្ឍន៍កំរិតជីវភាព ឲ្យបានល្អប្រសើរតាមរយៈការកសាងសមត្ថភាព និងការចងក្រងជាសហគមន៍ជាដើម៕
