ជម្រុះបាល់ទាត់ពិភពលោកជុំទី២កម្ពុជា លេងក្នុងដី៤ប្រកួតនិងក្រៅដី៤ប្រកួត

ភ្នំពេញ៖ការប្រកួតជម្រុះបាល់ទាត់ពិភពលោកជុំទី២ នឹងចាប់ផ្ដើមពីដើមខែកញ្ញា២០១៩ ដល់ដើមខែមិថុនាឆ្នាំ២០២០ ដោយកម្ពុជាស្ថិតនៅពូល C ជាមួយក្រុមខ្លាំងចំនួន៤ទៀត ។
នេះជាការប្រកួតជម្រុះជុំទី២បន្ទាប់ពីកម្ពុជាឈ្នះនៅ ជុំទី១លើប្រទេសប៉ាគីស្ថាន៤ទល់១គឺឈ្នះក្នុងដី
​២ទល់០​និងឈ្នះក្រៅដី២ទល់១ ។ពូលរបស់កម្ពុជាមានអ៊ីរ៉ង់ អ៊ីរ៉ាក់ បារ៉ែន ហុងកុង និង កម្ពុជា ។
អ្វីដែលគួរឲ្យកត់សម្គាល់នោះគឺអ៊ីរ៉ង់គឺជាក្រុមខ្លាំង ដែលពេលនេះចំណាត់ថ្នាក់FIFA(FIFA Ranking)របស់
គេលេខ២៣ ។ការប្រកួតបាល់ទាត់ពិភពលោកឆ្នាំ២០១៨ ប្រទេសអ៊ីរ៉ង់បានឡើងដល់វគ្គ៣២ក្រុមចុងក្រោយឯ
​ណោះ ។អ៊ីរ៉ាក់ដែលពេលនេះចំណាត់ថ្នាក់FIFA លេខ៧៧នោះក៏ធ្លាប់ឈ្នះក្រុមកម្ពុជាដែរ ។
ប្រទេសបារ៉ែនដែលពេលនេះចំណាត់ថ្នាក់ FIFA របស់គេលេខ១០៩និងហុងកុងដែលចំណាត់ថ្នាក់គេ
​លេខ១៣៩ក៏សុទ្ធតែជាក្រុមដែលធ្លាប់ឈ្នះកម្ពុជា ។សូមបញ្ជាក់ថាពេលនះចំណាត់ថ្នាក់ FIFA របស់កម្ពុជាលេខ
​១៧០គឺនៅក្រោមប្រទេសទាំង៤ដែលស្ថិតក្នុងពូលជាមួយ ។
កម្ពុជាត្រូវលេង៤ប្រកួតក្នុងផ្ទះគឺនៅ ខែកញ្ញាលេង២ប្រកួតជាមួយហុងកុង និងបារ៉ែន ខែតុលាលេងមួយ
​ប្រកួតជាមួយអ៊ីរ៉ាក់​និង ខែមីនាឆ្នាំ២០២០លេងមួយប្រកួតជាមួយអ៊ីរ៉ង់ ។ក្រៅពីនេះ៤ប្រកួតទៀតលេងនៅក្រៅ
​ផ្ទះទាំងអស់ ។
ទោះបីពេលនេះទម្រង់លេងរបស់កម្ពុជាប្រែប្រួល ល្អច្រើនក៏ពិតមែនតែសម្រាប់អ៊ីរ៉ាក់ និង អ៊ីរ៉ង់គឺជាក្រុម
​ដែលខ្ពស់ៗ ចំពោះបារ៉ែនក៏ខ្លាំងរីឯហុងកុងជាក្រុម ដែលមានកីឡាករចូលសញ្ជាតិច្រើនដែរ ។