នគរបាលស្រុកសាមគ្គីមានជ័យបាន ធ្វេីការឃាត់ខ្លួនជនសង្ស័យជាជនដៃដល់ក្នុងករណី ឃាតកម្ម

សាមគ្គីមានជ័យ: នាថ្ងៃទី៣១ ខែកក្កដា ឆ្នាំ២០១៩ វេលាម៉ោង ១៧និង០៨នាទី នៅចំណុចព្រៃស្តិត ក្នុងភូមិសំបុកគ្រាល ឃុំគ្រាំងល្វា ស្រុកសាមគ្គីមានជ័យ កម្លាំងនៃអធិការនគរបាលស្រុកសាមគ្គីមានជ័យបានធ្វេីការឃាត់ខ្លួនជនសង្ស័យឈ្មោះ គក់ ខ្លី ភេទប្រុស អាយុ ៣១ ឆ្នាំ រស់នៅភូមិ ឃុំ ខាងលេីជាជនដៃដល់ក្នុងករណី ឃាតកម្ម កាលពីថ្ងៃទី៣០ ខែកក្កដា ឆ្នាំ២០១៩។

គួររម្លឹកដែរថា នៅថ្ងៃទី៣០ ខែកក្កដា ឆ្នាំ២០១៩ វេលាម៉ោង ១៦និង៤៥នាទី នៅចំណុចមុខផ្ទះរបស់ឈ្មោះ គាន់ ភេទប្រុស អាយុ៣២ឆ្នាំ នៅភូមិសំបុកគ្រៀល ឃុំក្រាំងល្វា ស្រុកសាមគ្គីមានជយ័ ខេត្តកំពង់ឆ្នាំង មានករណី មនុស្សឃាតដោយចេតនា បង្កឡើងដោយជនសង្ស័យឈ្មោះ គួក ខ្លី ភេទប្រុស អាយុ៣១ឆ្នាំ នៅភូមិសំបុកគ្រៀល ឃុំក្រាំងល្វា ស្រុកសាមគ្គីមានជយ័ ខេត្តកំពង់ឆ្នាំង។ បានទំនាស់ពាក្យសំដី គ្នាក្នុងវង្សផឹកសុី រួចទាញកាំបិតផ្គាក់មានដងពីក្នុងផ្ទះរបស់ខ្លួនកាប់មកលើ ជនរងគ្រោះ ឈ្មោះ អ៊ុន ឈី ភេទប្រុស អាយុ៤២ឆ្នាំ នៅភូមិ ឃុំ ស្រុក ជាមួយគ្នាបណ្តាយអោយត្រូវរបួស ជាច្រើនកន្លែង រត់មកស្លាប់នៅលើថ្នល់គ្រួសក្រហម ចំងាយប្រហែល១០០មែត្រពីកន្លែងកើតហេតុ ។ ពេលធ្វើសកម្មភាពរួចជនសង្ស័យបានរត់គេចខ្លួនបាត់៕