វង្ស ណយតស៊ូជាមួយជើងខ្លាំងថៃភេច ម៉ានី

ភ្នំពេញ៖លើសង្វៀនអ្នកប្រយុទ្ធកំពូលឋាមពលChampionរបស់អាស៊ីអាគ្នេយ៍យប់ថ្ងៃទី៤សីហាអ្នកប្រ
ដាល់កម្ពុជាវង្ស ណយក្លិបកុលបុត្រគុនខ្មែរជួបប្រកួតជាមួយអ្នកប្រដាល់ជើងខ្លាំងថៃភេច ម៉ានី(Phich Many)ដោយប្រកួតគ្នាក្នុងប្រភេទទម្ងន់៧១គីឡូក្រាម​។
នេះជាលើកដំបូងហើយដែលអ្នកប្រដាល់ទាំង២រូបនេះជួបប្រកួតគ្នា។វង្ស ណយជាអ្នកប្រាដាល់ដែល
ជួនកាលលិច ជួនកាលអណ្ដែតមិនប្រាកដប្រជាឡើយ ។ពេលខ្លះគេវ៉ៃបានល្អតែពេលខ្លះគេឡើងទៅដើម្បីឲ្យគូ
​ប្រកួតវ៉ៃក៏មានដែរ ។
តាមពិតអ្នកប្រដាល់រូបនេះមានស្នៀតជង្គង់កែងល្អណាស់ជួនកាលគេមានចិត្តធំតែពេលខ្លះចិត្តរបស់គេតូចមែនទែន ។គេមានប្រវត្តិប្រកួតចំនួន២១១ដងឈ្នះ១៥៨ដង ចាញ់៥០ដងនិងស្មើពិន្ទុ៣ដង​ ។ពេលនេះការ​ប្រកួតរបស់គេភាគច្រើនជួបជ័យជំនះច្រើនជាងចាញ់ ។
ចំពោះភេច ម៉ានីវិញគេធ្លាប់មកប្រកួតស្រុកខ្មែរបានញឹកញាប់ដែរ ។ហើយការប្រកួតរបស់គេមានចាញ់
មានឈ្នះជាធម្មតា។អ្នកប្រដាល់ថៃរូបនេះមានប្រវត្តិប្រកួតចំនួន៨៨ដងឈ្នះ៦៨ដងចាញ់១៧ដង និង ស្មើពិន្ទុ
​ ចំនួន៣ដង ។មិនដឹងថាវង្ស ណយឬភេច ម៉ានីនោះទេដែលជួបសំណាងល្អនោះ​?
រិន សារដ្ឋក្លិបបញ្ជាការដ្ឋានកងទ័ពជើទឹកត្រូវបានផ្គូរផ្គងឲ្យប្រកួតជាមួយអ្នកប្រដាល់ថៃ កាង​ កុងវ៉ាន
​ (Kang Kongwan)ដោយប្រកួតគ្នាក្នុងប្រភេទទម្ងន់៦៣,៥០គីឡូក្រាម ។
សារដ្ឋជាអ្នកប្រដាល់មួយរូបដែលពេលខ្លះវ៉ៃបានល្អពេលខ្លះក៏យ៉ាប់ដែរតែអ្នកប្រដាល់រូបនេះមានស្នៀត
​វ៉ៃកែង និង ជង្គង់ល្អរហ័សមិនតែប៉ុណ្ណោះចិត្តធំនិងវ៉ៃហ៊ានប្ដូរជាមួយគូប្រកួតដោយគ្មានញញើត ។អ្នកប្រដាល់រូប
​នេះមានប្រវត្តិប្រកួតចំនួន៥៧ដងឈ្នះចំនួន៤៣ដង ចាញ់១១ដងនិងស្មើពិន្ទុ៣ដង ។
ចំពោះកាង កុងវ៉ានវិញគេធ្លាប់មកប្រកួតនៅស្រុកខ្មែរជាញឹកញាប់ដែរ ។ការប្រកួតរបស់គេនៅស្រុកខ្មែរ
​មានឈ្នះមានចាញ់ជាធម្មតា ។​អ្នកប្រដាល់រូបនះមិនពូកែកែងទេតែកណ្ដាប់ដៃរបស់គេរហ័សទាត់ចេញធ្ងន់តែគេ
​ជ្រាយជើងក្រុំមបន្តិច ។
អន្កប្រដាល់ថៃរូបនេះមានប្រវត្តិប្រកួតចំនួន៨២ដង ឈ្នះ៦៥ដង ចាញ់១៦ដង និងស្មើពិន្ទុ១​ដង។វាំមើល
​ជំនួបរវាងអ្នកប្រដាល់ទាំង២រូបនេះនរណាឈ្នះ នរណាចាញ់?