កងកម្លាំងការពារព្រំដែនថៃ កាប់ដំឡូងមីខ្មែរ នៅបង្គោលព្រំដែនលេខ ៣៦
ភ្នំពេញ៖ កងកម្លាំងនគរបាលការពារព្រំដែនរបស់ថៃ បានចោទពលរដ្ឋកម្ពុជាថា បានដាំដំឡូងមី ប៉ះពាល់ដល់ផ្លូវព្រំដែន នៅចំណុចបង្គោលព្រំដែនលេខ 36 ហើយអាជ្ញាធរថៃ បានកាប់ដំឡូងមីនោះ ចោលអស់ជាច្រើន ប៉ុន្តែទោះយ៉ាងណា បន្ទាប់ពីហេតុការណ៍នេះ កើតឡើងអាជ្ញាធរខ្មែរនិងថៃ បានជួបគ្នាដោះស្រាយ ដើម្បីឲ្យស្ថានការណ៍វិលមកប្រក្រតីវិញ។
បើតាមការផ្សាយនៅលើហ្វេសប៊ុករបស់លោកវិល្លាម នៅថ្ងៃទី 3 សីហានេះថា កម្លាំងនគរបាលការពារព្រំដែន វរសេនាតូេនាតូចលេខ១២៥ថៃ (តឆដ) នៅច្រកព្រំដែនតំបន់តាប្រាយ៉ា ឈមនឹងច្រកតំបន់បឹងត្រកួន បានកាប់ចោលដំឡូងមីខ្មែ រនៅចន្លោះបង្គោលព្រំដែនលេខ៣៦ និង៣៧ ភូមិថ្មល់បំបែក ឃុំគោករមៀត ស្រុកថ្មពួក ខេត្តបន្ទាយមានជ័យ ដោយខាងថៃអាចចោទថាការដាំដំឡូងមីនោះ ប៉ះលើផ្លូវដើរល្បាត់ព្រំដែន ប៉ុន្តែម្ចាស់ចម្ការបានអះអាងថា ចម្ការដំឡូងមីនេះ ខ្លួនធ្វើរាល់ឆ្នាំមកហើយ។
ទោះជាយ៉ាងណាអាជ្ញាធរស៊ីវិលកម្ពុជា និងថៃ បានណាត់ជួបគ្នា ដោះស្រាយសម្រួល ស្ថានភាពប៉ះទង្គិចគ្នានេះ ឱ្យវិលមកប្រក្រតីឡើងវិញ ៕
