រថយន្តពីរគ្រឿងបុកគ្នា បណ្តាលឲ្យបុរសម្នាក់ស្លាប់នៅក្នុងរថយន្ត

កាលពីយប់ថ្ងៃទី ០៣ ខែ សីហា ឆ្នាំ ២០១៩ នៅវេលាម៉ោង ២២.៤៥ នាទីយប់ មានករណីគ្រោះថ្នាក់ចរាចរណ៍ រវាងរថយន្ត បុកនឹងរថយន្ត ក្នុងទិសដៅបញ្រ្ចាស់គ្នា នៅលើផ្លូវជាតិលេខ ០៤
ចន្លោះបង្គោលKm ១៥២-១៥៣ ចំណុចស្ទឹងឆាយ ស្ថិតក្នុងភូមិអូរជ្រៅ ឃុំបឹងព្រាវ ស្រុកស្រែអំបិល។
រថយន្តបែន Nisan ពណ៌ស ពាក់ស្លាកលេខ ចង្កូតស្តាំ PP-0558 អ្នកបើកបរពុំស្គាល់អត្តសញ្ញាណ បានបើកបុកនឹង រថយន្ត Hyundai ពណ៌ខៀវពាក់ស្លាកលេខ ភ្នំពេញ 2F-0082 បើកបរដោយឈ្មោះ ភាន់ ក្រុង ភេទប្រុស អាយុ ៤០ឆ្នាំ មានទីលំនៅ ភូមិប្រម៉ាត់ដី ឃុំស្វាយទាប ស្រុកចំការលើ ខេត្តកំពង់ចាម បានស្លាប់នៅក្នុងរថយន្ត ចំណែកឯអ្នកបើករថយន្តបង្ករ បានរត់គេចខ្លួនបាត់។
មូលហេតុ ៖ រថយន្តបង្កបើកជែងនឹងរថយន្តស្របទិសគ្នា ជ្រុលចង្កូតមកបុកនឹងរថយន្តជនរងគ្រោះ។
បច្ចុប្បន្ន សពជនរងគ្រោះ បានប្រគល់ជូនបងប្អូនយកទៅធ្វើបុណ្យតាមប្រពៃណី ចំណែកអ្នកបើករថយន្តបង្ករ កម្លាំងសមត្ថកិច្ចយើង កំពុងស្រាវជ្រាវ រីឯវត្ថុតាង យកមករក្សាទុកនៅអធិការដ្ឋាននគរបាលស្រុកស្រែអំបិល ។