ព្រះគ្រូចៅអធិការនិងគណៈកម្មការវត្តតាំងក្រសាំងខាងជើងជូនទេយ្យទាន,ដល់អនុសាខាកាកបាទក្រហមកម្ពុជាខណ្ឌពោធិ៍សែនជ័យ

ភ្នំពេញ៖ទេយ្យទាន និងបច្ច័យមួយចំនួនធំដែលជាទឹកព្រះទ័យដ៏ថ្លៃថ្លាពីសំណាក់ព្រះគ្រូចៅអធិការ និងគណៈកម្មការវត្តតាំងក្រសាំងខាងជើង ជូនដល់អនុសាខាកាកបាទក្រហមកម្ពុជាខណ្ឌពោធិ៍សែនជ័យ ដែលមានលោក ហែម ដារិទ្ធិ អភិបាលខណ្ឌពោធិសែនជ័យនិងជាប្រធានកិត្តិយសខណ្ឌ និងលោកស្រី អ៊ឹម ថាវី ប្រធានអនុសាខា ព្រមទាំងក្រុមការងារបានទៅទទួលនាព្រឹកថ្ងៃទី ០៩ ខែសីហា ឆ្នាំ២០១៩នេះនៅវត្តតាំងក្រសាំងខាងជើង។
ក្នុងឱកាសនោះលោក ហែម ដារិទ្ធិ អភិបាលខណ្ឌពោធិសែនជ័យនិងជាប្រធានកិត្តិយសខណ្ឌ បានថ្លែងអំណរព្រះគុណយ៉ាងជ្រាលជ្រៅដល់ព្រះគ្រូចៅអធិការ និងគណៈកម្មការវត្តតាំងក្រសាំងខាងជើងដោយទឹកចិត្តសប្បាយរីករាយ និងអរព្រះគុណហើយថាទេយទានទាំងនេះជាការរួមចំណែកដ៏សំខាន់ជាមួយអនុសាខាកាកបាទក្រហម ។ដោយក្នុងឱកាសនោះលោកប្រធានកិត្តិយសអនុសាខាសូមសន្យាថាៈ នឹងនាំយកទេយ្យទានដ៏ថ្លៃថ្លានេះ ទៅចែកជូនដល់ជនទីទល់ក្រ ចាស់ជរាគ្មានទីពឹង អ្នកផ្ទុកមេរោគអេដស៍ និងជនរងគ្រោះផ្សេងៗ ដោយយៈថាហេតុ។
មន្ត្រីរដ្ឋបាលខណ្ឌបានឱ្យដឹងថា៖ទេយ្យទានដែលលោកអភិបាលខណ្ឌពោធិសែនជ័យទទួលបានរួមមាន៖១-អង្ករ ២០ប៉ាវ,២-ទឹកត្រី ២០យួ, ៣-ទឹកស៊ីអ៊ីវ ២២យួរ,៤-សម្ភារៈប្រើប្រាស់ផ្ទះបាយ ១១ប្រដាប់,៥-ស្ករស ១១០គីឡូក្រាម, ៦-មី ២៩កេស, ៧-ទឹកផ្លែឈើ ១០កេស,៨-ទឹកក្រូច ១៧កេស, ៩-ទឹកបរិសុទ្ធ ៨០កេស,១០-ទឹកដោះគោ ៧១កំប៉ុង, ១១-តែ ៦៤កញ្ចប់,១២-នំស្រួយលីលី ៣កេសធំ,១៣-ត្រីខ ៤០យួរ,១៤-អំបិលអ៊ីយ៉ូត ៦៨គីឡូក្រាម,១៥-ទឹកបរិសុទ្ធ (វីតាល់) ១០កេស, ព្រមទាំងបច្ច័យសរុបចំនួន៤.០០០.០០០រៀល (បួនលានរៀល)៕