ប្តីចិត្តតិរច្ឆាន បានវាយដោយពូថៅ និងយកកាំបិតអារកប្រពន្ធ ស្លាប់នៅលើផ្ទះបាយ
តាកែវ៖ មានករណីឃាតកម្មដ៏ព្រៃផ្សៃ ពេលប្រពន្ធកំពុងចៀននំនៅចង្ក្រានបាយ ប្តីចិត្តតិរច្ឆាន បានវាយដោយពូថៅ និងយកកាំបិតអារកប្រពន្ធស្លាប់ យ៉ាងអាណោចអាធ័មបំផុត។
នគរបាលស្រុកអង្គរបុរី បានឲ្យដឹងថា ករណីនេះកើតឡើងនៅវេលាម៉ោង៩ និង២០នាទីព្រឹក ថ្ងៃទី១០ ខែសីហា ឆ្នាំ២០១៩ ស្ថិតនៅក្នុងភូមិកំពុងពោធិ៍ ឃុព្រែកផ្ទោល ស្រុកអង្គរបុរី ខេត្តតាកែវ ។
ជនល្មើសជាប្តីមានឈ្មោះ បាល់ ភឿនអាយុ ៤៨ ឆ្នាំ រីឯជនរងគ្រោះជាប្រពន្ធឈ្មោះ មុត ឃាង អាយុ ៥២ ឆ្នាំ បច្ចុប្បន្នកម្លាំងអធិការដ្ឋាននគរបាលស្រុកអង្គរបុរី បានចាប់ខ្លួនជនល្មើសបានភ្លាមៗ ហើយបាននិងកំពុងសួរចម្លើយជនល្មើស ពីដើមហេតុ នៃការប្រព្រឹត្តិឃាតកម្ម សម្លាប់ប្រពន្ធយ៉ាងសាហាវបែបនេះ៕
