កំពុងលួចម៉ូតូប៉ូលិសទៅទាន់ចាប់បានស្រេច

ភ្នំពេញ៖ក្រមសមត្ថកិច្ចបានអោយដឹងថា ឃាត់ខ្លួនជនសង្ស័យ ០១នាក់ជាក់ស្ដែងពីបទលួចម៉ូតូ កើតហេតុនៅក្នុងមូលដ្ឋានសង្កាត់បឹងសាឡាង ខណ្ឌទួលគោក រាជធានីភ្នំពេញ នៅថ្ងៃទី១១ ខែសីហា ឆ្នាំ២០១៩ វេលាម៉ោងប្រហែល ៨:១០នាទី ។ កម្លាំងនគរបាលប៉ុស្តិ៍នគរបាលរដ្ឋបាលបឹងសាឡាង នៃអធិការដ្ឋាននគរបាលខណ្ឌទួលគោក រាជធានីភ្នំពេញ បានធ្វើការឃាត់ខ្លួនជនសង្ស័យម្នាក់ជាក់ស្ដែងពីបទលួចម៉ូតូ ប្រព្រឹត្តនៅចំណុចផ្ទះលេខ៦០ ផ្លូវ លេខ៣៣៦ ក្រុមទី៤១ ភូមិ១៣ សង្កាត់បឹងសាឡាង ខណ្ឌទួលគោក រាជធានីភ្នំពេញ ។
ជនសង្ស័យឈ្មោះ ជា គឿន ហៅ ឌី ភេទប្រុស អាយុ២៥ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់នៅផ្ទះជួលពុំស្គាល់លេខ ផ្លូវបេតុង សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ។
វត្ថុតាងចាប់យកមាន: ម៉ូតូ០១គ្រឿងម៉ាក Honda Scoopy ពណ៌ស ស៊េរី2019 ពាក់ស្លាកលេខ ភ្នំពេញ 1HJ-1010 ដែលជារបស់ជនរងគ្រោះដែលជនសង្ស័យឈ្មោះ ជា គឿន ហៅ ឌី លួច) បានធ្វើការប្រគល់ជូនជនរងគ្រោះវិញ តាមការស្នើសុំ ដោយមានការឯកភាពពីលោក សម ឫទ្ធីវាសនា ព្រះរាជអាជ្ញារង នៃអយ្យការអមសាលាដំបូង រាជធានីភ្នំពេញ ។
ជនរងគ្រោះឈ្មោះ គឹមឡេង សុវណ្ណឌីម៉ង់ ភេទប្រុស អាយុ៣១ឆ្នាំ ជនជាតិខ្មែរ មុខរបរ សមាជិកភូមិ១៣ សង្កាត់បឹងសាឡាង ស្នាក់នៅផ្ទះលេខ៦០ ផ្លូវ លេខ៣៣៦ ក្រុមទី៤១ ភូមិ១៣ សង្កាត់បឹងសាឡាង ខណ្ឌទួលគោក រាជធានីភ្នំពេញ ។
ការធ្វើតេស្តិ៍ស្វែងរកសារធាតុញៀនក្នុងទឹកនោមជនសង្ស័យរូបនេះ ជាលទ្ធផល មានភាព វិជ្ជមាន ។
ជនសង្ស័យខាងលើ កំពុងឃាត់ខ្លួនជាបណ្ដោះ នៅអធិការដ្ឋានគរបាលខណ្ឌទួលគោក ដើម្បីធ្វើការសាកសួរ កសាងសំណុំរឿងបញ្ជូនទៅសាលាដំបូង រាជធានីភ្នំពេញ ចាត់ការតាមផ្លូវច្បាប់៕