ប្រទះឃើញបុរសម្នាក់ស្លាប់ក្នុងទឹកដោយលើកដៃឡើងលើ

អ្នកភូមិកើតហេតុបានឲ្យដឹងថា ជនរងគ្រោះទើបតែទិញអាគុយ ឧបកេណ៍ឆក់ត្រីខាងលើបាន២ថ្ងៃ ទុករកត្រីគ្រាន់ហូប ហើយជនរងគ្រោះទើបតែ យកឧបករណ៍ឆក់ខាងលើ ចេញទៅនៅរសៀលថ្ងៃទី១៦ ខែកក្កដានេះ គ្មានអ្នកណាចាប់អារម្មណ៍ថាទៅរក ដល់ទីណាដែរ បាត់រហូតដល់ល្ងាចមានមនុស្សស្លាប់ក្នុងទឹក និងមានឧបករណ៍សម្រាប់ឆក់ត្រីមួយផង ទើបក្រុមគ្រួសារ ទៅមើលឃើញពិតជាជនរងគ្រោះ ឈ្មោះ សុខ ដា មែន ។
អ្នកនៅកន្លែងកើតហេតុបានឲ្យដឹងថា៖បន្ទាប់ពីពលរដ្ឋអ្នកដើរដាក់មង ប្រទះឃើញ ដៃមនុស្ស ហើបផុតពីទឹកច្រង៉ាង ដឹងថាសាកសពមនុស្ស និងឃើញមានឧបករណ៍សម្រាប់ឆក់ត្រីផង នៅក្បែរខ្លួន ឃើញដូច្នោះ រឿងអីមិនរត់ ស្រែកប្រាប់អ្នកភូមិ ពលរដ្ឋក្បែរនោះ ទើបឆោឡោ រាយការណ៍ប្រាប់សមត្ថកិច្ច ចុះមកពិនិត្យជាក់ស្តែង បន្ទាប់ពីប្រទះឃើញសាកសពមនុស្ស ។

ក្រោយពីប្រទះឃើញសាកសព សមត្ថកិច្ច មូលដ្ឋាន សមត្ថកិច្ចជំនាញចុះទៅដល់កន្លែងកើតហេតុ ពិនិត្យសាកសពត្រូវបានស្រង់ឡើងគោក ហើយសាច់ញាតិក៏មកដល់ដែរ ។ ដោយឆ្លងកាត់ការពិនិត្យ កោសល្យវិច័យ របស់សមត្ថកិច្ចជំនាញ ឃើញថាជនរងគ្រោះស្លាប់ដោយសារ ឆក់ឧបករណ៍ សម្រាប់ឆក់ត្រី ស្លាប់ដោយខ្លួនឯង រួចប្រគល់សាកសពជូនក្រុមគ្រសារ ដឹកយកទៅឯស្រុកកំណើត ៕